समाजका अध्यक्ष बिष्णु प्रसाद पन्थीको अध्यक्षतामा सम्पन्न उक्त कार्यक्रममा वडा नं= २ का वडा अध्यक्ष अम्बर कडेल प्रमुख अतिथि र सैनामैना सेवा समाज यूएईका प्रमुख संरक्षक केशव ढकाल विशेष अतिथि रहनुभएको थियो।
प्रमुख अतिथि वडा अध्यक्ष कडेलले समाजले शिक्षाको सहज पहुँचबाट टाढा रहेका विद्यार्थीहरूको शैक्षिक विकासका लागि अत्यन्त महत्त्वपूर्ण काम गरेको भन्दै प्रशंसा गर्नुभयो। उहाँले समाजबाट प्राप्त सहयोगलाई सम्बन्धित विद्यार्थीहरूलाई उचित रूपमा लगानी गरिने प्रतिबद्धता व्यक्त गर्नुभयो।
समाजका अध्यक्ष पन्थीले सैनामैना नगरपालिकाभित्रका विद्यालयहरूमा अक्षयकोष स्थापना अभियान अन्तर्गत यो कार्यक्रम गरिएको बताउनुभयो। उहाँले यसअघि नै ५ वटा विद्यालयमा अक्षयकोष स्थापना गरिसकिएको जानकारी दिँदै समाजले नगरका सबै वडामा अक्षयकोष स्थापना गर्ने लक्ष्य लिएको बताउनुभयो।
संस्थाका प्रमुख संरक्षक केशव ढकालले शिक्षाको पहुँचबाट वञ्चित विद्यार्थीहरूको शैक्षिक विकासमा समाजले काम गरेको बताउँदै यस सहयोगी अभियानले विपन्न विद्यार्थीहरूको विकासमा टेवा पुग्ने विश्वास व्यक्त गर्नुभयो।
कार्यक्रमको अवसरमा संस्थाका पदाधिकारीहरूको संयुक्त उपस्थितिमा विद्यालयलाई रु. १ लाख नगद हस्तान्तरण गरिनुका साथै विद्यालयमा अध्ययनरत सबै विद्यार्थीहरूलाई शैक्षिक सामग्री समेत प्रदान गरिएको थियो।
कार्यक्रममा विद्यालयका प्रधानाध्यापक सिता घिमिरे, विद्यालय व्यवस्थापन समितिका अध्यक्ष दुर्गा केसी, वरिष्ठ पत्रकार डिआर पन्थी लगायतले पनि बोल्नुभएको थियो। कार्यक्रम संस्थाकी प्रथम उपाध्यक्ष सीता भण्डारीको स्वागत मन्तव्य र महासचिव सुरेन्द्र परियारको सञ्चालनमा सम्पन्न भएको थियो।
