जिल्लास्तरीय हाजिरी जवाफ प्रतियोगितामा सुनगाभा प्रथम

राष्ट्रिय निजी तथा आवासीय विद्यालय एसोसिएसन नेपाल (एन प्याब्सन) रुपन्देहीको आयोजनामा भएको जिल्लास्तरीय हाजिरी जवाफ प्रतियोगितामा सुनगाभा पब्लिक स्कूल प्रथम भएको छ । सैनामैना–३ स्थित सुनगाभा पब्लिक सेकेण्डरी स्कूलमा शुक्रबार सम्पन्न भएको प्रतियोगितामा जिल्लाभरका १५ विद्यालयले सहभागिता जनाएका थिए ।
प्रतिस्पर्धामा न्यू लुम्बिनी इङलिस बोर्डिङ स्कुल द्वितीय र ग्यालेक्सी इङलिस बोर्डिङ स्कुल तृतीय स्थान हासिल गर्न सफल भएको छ ।

प्रतियोगितामा प्रथम स्थान हासिल गरेको सुनगाभा पब्लिक स्कूलले नगद १५ हजार रुपैयाँ, ट्रफी, मेडल र प्रमाण–पत्र प्राप्त ग¥यो भने द्वितीय भएको न्यू लुम्बिनी स्कूलले नगद ८ हजार ट्रफी, मेडल र प्रमाण–पत्र र तृतीय भएको ग्यालेक्सी स्कूलले नगद ५ हजार रुपैयाँ सहित ट्रफी, मेडल र प्रमाण–पत्र प्राप्त गरेका छन् ।

एन प्याब्सन रुपन्देहीका अध्यक्ष तिलब के.सी. ले संस्थाको वार्षिक कार्यतालिका अनुसार विद्यार्थीहरूको बौद्धिक विकासका लागि हाजिरी जवाफ प्रतियोगिता आयोजना गरिएको जानकारी दिए । उनले भने,–“यस्ता बौद्धिक ज्ञानका प्रतियोगिताले विद्यार्थीहरूमा चेतनास्तर बृद्धि गर्नुका साथै उनीहरूको पढाईमा सहयोगी भुमिका खेल्ने विश्वास छ ।“
विजयी विद्यार्थीहरूलाई पुरस्कार प्रदान गर्दै सैनामैना नगरपालिका शिक्षा शाखा प्रमुख टिकाराम शर्माले विद्यार्थीहरूको सर्वाङ्गीण विकासका लागि अतिरिक्त क्रियाकलापहरूको महत्वमाथि जोड दिए । उनले भने– “हामीले विद्यार्थीलाई केवल सैद्धान्तिक ज्ञानमा मात्र सीमित नराखी यस्ता प्रतिस्पर्धात्मक र रचनात्मक क्रियाकलापहरूमा सहभागी गराएर उनीहरूको लुकेको क्षमता र आत्मविश्वास लाई विकास गर्नुपर्छ ।“

एन प्याब्सन नेपालका केन्द्रिय सदस्य जेबी क्षेत्रीले निजी विद्यालयहरूले विद्यार्थीको शैक्षिक गुणस्तर र सर्वाङ्गीण विकासमा ध्यान केन्द्रित गर्नुपर्ने बताए । उनले भने, “शैक्षिक गुणस्तर कायम राख्दै विद्यार्थीहरूलाई राष्ट्रको भावी कर्णधार बनाउनु हामी सबैको साझा दायित्व हो । यस्ता प्रतियोगिताहरूले विद्यार्थीहरूबीच स्वस्थ प्रतिस्पर्धाको भावना जगाउनुका साथै उनीहरूको ज्ञानको दायरा फराकिलो बनाउँछ ।“

सम्बन्धित समाचार

सिद्धार्थ मेमोरियलमा हाजिरी जवाफ प्रतियोगिता सम्पन्न प्याबसन सैनामैनाद्वारा आयोजित नगरस्तरीय लोक नृत्य प्रतियोगितामा न्यु एकेडेमी प्रथम प्रभात भूपू विद्यार्थी संगठनको आयोजनामा नगरस्तरीय क्यूबेसिक कम्पिटिसन सम्पन्न, सुनगाभा स्कुल प्रथम प्रभात भूपू विद्यार्थी संगठनको आयोजनामा नगरस्तरीय क्यूबेसिक कम्पिटिसन सम्पन्न, सुनगाभा स्कुल प्रथम