रामापुर माध्यमिक विद्यालय जुनियर रेडक्रस सर्कल र युवा रेडक्रस सर्कलको संयुक्त आयोजना तथा शहरी पूर्वतयारी तथा आपतकालिन प्रतिकार्य प्रवद्र्धन परियोजनाको आर्थिक सहयोगमा शुक्रवार विद्यालयमा विविध रचनात्मक कार्यक्रम सम्पन्न भएका छन् ।
कार्यक्रम अन्तर्गत माध्यमिक तह (कक्षा ९–१२) र आधारभूत तह (कक्षा ६–८) का विद्यार्थीहरूका लागि कविता लेखन तथा वाचन प्रतियोगिता र आधारभूत तह (नर्सरी–कक्षा ५) अन्तर्गत बुद्धि परीक्षण प्रतियोगिता सम्पन्न भएका छन् ।
माध्यमिक तह (कक्षा ९–१२) अन्तर्गत अनिता न्यौपाने प्रथम, कमला थापा द्वितीय, एलिसा पाण्डे तृतीय र अमृत थारु सान्त्वना भएका छन् । प्रतियोगितामा आधारभूत तह (कक्षा ६–८) अन्तर्गत भुगर्भ पाण्डे प्रथम, युवराज घिमिरे द्वितीय, कृतिका पाण्डे तृतीय र मुस्कान शर्मा सान्त्वना स्थान हासिल गरेका छन् ।
यस्तै बुद्धि परीक्षण प्रतियोगितामा नर्सरीकी रेविका बम्रेल, के.जी. कक्षाका गौरव बुढा मगर, कक्षा १ जानका भट्टराई, मनोज राना, कक्षा २ पुष्पा सुनार, सहायाना न्यौपाने, अनु थारु, कक्षा ३ सृष्टि पौडेल, रिजन सुनार कक्षा ४ सुजल अधिकारी, संयोज जिसी, कक्षा ५ कुशल नेपाली, सुष्मा सुनार, शंकर सुनार र प्रतिमा न्यौपाने प्रथम भएका छन् ।
विजेता विद्यार्थीहरुलाई पुरस्कृत गर्दै विद्यालयका प्रधानाध्यापक कृष्णप्रसाद पौडेलले बौद्धिक कार्यक्रमहरूले विद्यार्थीहरूको प्रतिभा उजागर गर्न र रचनात्मक क्षमता विकास गर्न ठूलो सहयोग पु¥याउने बताए । उनले आगामी कार्यक्रममा अझ बढी सक्रिय भएर प्रतियोगितामा सहभागी हुन विद्यार्थीहरूलाई आग्रह गरे ।
शिक्षक नायक माधव ज्ञवालीले प्रतियोगितामा प्रथम, द्वितीय, तृतीय र सान्त्वना स्थान हासिल गर्न सफल विद्यार्थीहरूलाई नगद, प्रमाण–पत्र तथा शैक्षिक सामग्री प्रदान गरिएको जानकारी दिए ।
रामापुर माध्यमिक विद्यालय जुनियर रेडक्रस सर्कल र युवा रेडक्रस सर्कलका अध्यक्ष मनिषा ढकालको अध्यक्षता तथा शिक्षक नायक शिक्षक नायक माधव ज्ञवालीको सञ्चालनमा कार्यक्रम सम्पन्न भएको थियो ।
