सैनामैना–४ मा अवस्थित ग्यालेक्सी ईङलिस बोर्डिङ स्कुलमा अन्तर–सदनात्मक हिज्जे प्रतियोगिता सम्पन्न भएको छ ।
विद्यालयमा सिर्जनशील शुक्रबारिय क्रियाकलाप अन्र्तगत अन्तर–सदनात्मक बौद्धिक प्रतियोगिता स्पेलिङ कन्टेस्ट (हिज्जे प्रतियोगिता) दुई तहमा विभाजन गरेर सञ्चालन गरिएको थियो ।
प्रतियोगितामा जुनियर तह (कक्षा ४, ५, ६) अन्तर्गत सगरमाथा सदन प्रथम, अरुनभ्याली सदन द्वितीय भएको छ ।
यसैगरि सिनियर तह (कक्षा ७, ८, ९) अन्तर्गत सगरमाथा सदन प्रथम, अरुनभ्याली सदन द्वितीय हुन सफल भएको छ । दुवै तहमा सगरमाथा सदनले प्रथम स्थान हासिल गरी प्रतियोगिताको समग्र उपाधि आफ्नो नाममा पार्न सफल भएको छ ।
विद्यालयका प्राचार्य प्रकाश भट्टराईले विद्यार्थीहरुको भाषा सीप, आत्मविश्वास र प्रतिस्पर्धात्मक क्षमतामा अभिवृद्धि गर्न यस्ता गतिविधिहरूले महत्वपूर्ण योगदान पुर्याउने बताए ।
विद्यालयका शिक्षक बाबुराम खनालले प्रतियोगिताले विद्यार्थीहरूमा अंग्रेजी हिज्जे र भाषिक ज्ञानको विकास गर्न महत्वपूर्ण भूमिका खेल्ने विश्वास व्यक्त गरे ।
बाल क्लबकी अध्यक्ष अनुषा देवकोटाको अध्यक्षता तथा सचिव सिजल सुवेदीले सञ्चालमा कार्यक्रम सम्पन्न भएको थियो ।
